Sayohatni boshlasak

Buxoro shahrida tavallud topgan mentorimiz top universitetgacha ancha qiziqarli yo’lni bosib o’tganlar. Bugun Top universitetlarga kirishda ko’p yoshlarga amaliy yordam berib kelyotgan Rasul Bahodirov bilan tanishamiz...

Keling unda, Rasuljon qanday qilib “UCL” talabasiga aylanganini o‘zidan bilib olamiz!

Maktab davridan kompyuterga qiziqishim baland bo’lgan.

38-maktab, undan so’ng BDTI akademik litseyida tahsil oldim. Hobbilarim - o’yinlar qurish, skeytbording va uxlash bo’lgan :)

Maktab davrlarida matematika va fizika fanlarini chuqur o’rganishga e’tiborimni qaratganman. Shuningdek, “Arsenal” futbol klubining 18 yillik muxlisi hisoblanaman.

Masalliqning hech qanday siri yo’q)

Har doim top universitetlarga kirishga ishtiyoqim bo’lgani uchun, portfoliomni top darajada qurish uchun to’liq e’tiborimni qaratganman.

Informatika, matematika va fizika bo’yicha olimpiadalarda hamda robot qurish musobaqalarida (“RoboSumo” va “RoboFootball”) musobaqalarida qatnashganman va yutuqlarga erishganman.

Shaxsiy natijalarimga to’xtalsak...

Amerika universitetlariga hujjat topshirishni kechiktirganimga hali ham afsuslanaman, bunga ko’proq vaqt sarflashim kerak edi.

University College London (UCL)da tahsil olaman.

Bir nechta top universitetlarga kirdim. O’ylaymanki, hayotimdagi eng to’g’ri qarorlarimdan biri “UCL”ni “Imperial College London”dan ustunroq ko’rib, “UCL”ni tanlganim bo’lgan. $240 ming grand asosida tahsil olaman (“El-yurt umidi” jamg’armasi tomonidan qoplangan).

Kelajakdagi eng katta maqsadlarimdan biri - “Oxford” universitetida PhD darajamni yoqlash.